حوار الأجيال

اليوم يصادف ذكرى الغزو العراقي

على دولة الكويت

2 August

و صدف بعد إن اليوم خميس

الله لا يرد ذاك اليوم
عشنا بخوف ورعب وشفنا الموت

وعرفنا معنى الأسر والتشرد

بعد ما كنا عايشين بأمان

والكل حاسدنا على نعمة السلام

الله يرحم شهداؤنا الأبرار ويسكنهم فسيح جناته

ويطول بأعمار شبابنا وشيابنا ويحفظ بناتنا وأطفالنا

والشعب الكويتي بين معدنه الأصيل
والعالم شهد عالأبطال اللي قاوموا
والقصص اللي صارت لو نقولها ما نخلص

إنشالله هالديره دوم محفوظه بأهلها وحبايبها

واللي وقفوا معانا بهاليوم شايلينها لهم طول ما إحنا عايشين

فرحة التحرير راح أذكرها لآخر يوم من عمري

حسينا إنا نولدنا من يديد
وصج ما بعد الضيقه إلا الفرج

الله يرحمك يا بابا جابر

ولهنا على هيبتك وإبتسامتك

والله اللي كان مريحنا وجودك

خصوصا بهذيك الأيام السوده

وفرحتنا ما اكتملت إلا برجعتك

كان يوم بالعمر

كل العيون دمعت بشوفتك مستانس

رحمة الله عليك

يا بو مبارك

الكلام ما يعبر عن اللي بالقلب

واللي عاشوه أهل الكويت ايام الغزو محد يقدر ينساه

أجدادنا حافظوا عالديره بمعارك يشهد لها التاريخ

وعمروا بلدهم الكويت

وشبابنا واصلوا المسيره

وخيبوا ظن العدو الله حفظ الكويت طول هالسنين

العفو عند المقدره

يمكن نغفر

خصوصا عن الجيل الياي بالعراق

إذا أحسن النيه

بس لا يمكن ننسى

والله ما راح ننسى

قبل سنتين آنا وأخوي

+

GROUP

وايد حلو بشبابه وبناته

وبمساعدة وايد ناس

وعلى راسهم المهندسه

أشواق المضف

سوينا أوبريت وطني

وأهديناه لتلفزيون الكويت

وسميناه

حوار الأجيال

مدته 6 دقايق
وإنعرض لمدة إسبوع على كل محطات الكويت

و يتكلم عن علاقة الماضي بالحاضر

والحوار بين

جيل الماضي وشباب المستقبل

وهذا كان شعارنا

إقروا الموضوع وعطوني رايكم

واللي لحنلي إياه الفنان الحبيب فواز الرجيب

.......................................

خالد اليوسف + صوت الراحل عوض دوخي

أوه يا مال
أووووه يا مال
أووه يا مال
أوووووه يا كويت

فواز الرجيب

أمنا إهي أمنا حاضرنا

إهيا وماضينا

نحبها ونعشقها ونفديها

وفيها تربينا

الكويت الكويت

بسام الجزاف

لكل ديره

ماضي وحاضر

لكن ماضي الكويت حاضر

ومستقبلها

بعون الله زاهر

خالد اليوسف
وشلون عمرتوا بلدنا
حبنا الغالي
وشلون خليتوا لنا إسمه
بالسما عالي
بالماضي صغيره
وإنتوا بنيتوها
وبخيركم صارت
عروسه شحلوها

المجموعه
بإخلاصنا وحبنا
وعزيمة الطيبين
علينا رايتها
في كل زمان وحين
إحنا بنيناها
وبالعين شلناها
وأخذنا من دمنا
ورحنا وعطيناها

شجون الهاجري
الله
إشكثر تعبتوا
وهي تستاهل تعبكم
وهذا منا عهد والله
إحنا بنسوي مثلكم
إحنا بنسوي مثلكم
إحنا بنسوي مثلكم

المجموعه
إي نعم هذي أمانه
إي نعم .. إي نعم
كويتنا حلوه بأهلها
والنعم .. والنعم
زانت ونجمه بسمانا
سمانا .. سمانا
ماكو بالدنيا مثلها .. ماكو بالدنيا مثلها

المجموعه
أمنا إهي أمنا حاضرنا وماضينا
على حبها تيمعنا عسى ربي يهنينا
الأطفال
أمنا إهي أمنا وهي أحلى أمانينا
لو درنا ولفينا مثلها لا ما لقينا

كل المشاركين بالتناوب

الكويت الكويت
الكويت الكويت

نهاية إسبوع سعيده

هذي هديه مني لكم

بس ديروا بالكم وايد حاره

(1)

قبل يومين
إتصل علي ولد عمي
وسألني: شعندك الحين؟
قلت له: سلامتك .. قاعد أكتب قصه يديده
قال: إخذ راحه علشان أمرك ونروح الأفينيوز
قلت له: يالله فوقه

على فكره

وايد أحب الطلعات السريعه

وما أحب أخطط قبلها بس أهم شي تكون الطلعه لسبب

يعني فيها شي مفيد والأهم إن اللي يطلع معاك يساعد

...

المهم وصلنا هناك ودخلنا كارفور في البدايه

وتسوقنا في بعض المحلات ليما وصلنا إيكيا

قال لي: إمش نروح

AS iS

قلت له: شيطلع هذا بعد؟

أز إز كابوريا؟!؟

ضحك وقال: ألحين بتشوف .. ومشينا بكل المحل

ليما وصلنا المكان اللي يبيه عقب ما طاحت ريولي

والله جنا ماشيين بصحرا ووصلنا الواحه وبنهجم عالماي

ومثل ما إنتوا شايفين

عرفت إن بهالكورنر يبيعون بضاعتهم

بأسعار أرخص من اللي معروضين داخل

لأن جزء منها تلفان أو مخترب

وهالطريقه جدا ناجحه ولها زباين وشفتها مطبقه

بأغلب المحلات في أوروبا وأمريكا

قعدت أفتر بين البضايع

وشفت إعلان مكتوب عليه

OFFER

of the Week !!!

________________

Sultan Mattress Pad

وسعره وايد حلو ويفيد حق طلعات المخيم والشاليه

يازلي وايد وقررت آخذه

لما قربت ألمسه علشان أشوف نوعية الإسفنج

إنصدمت من اللي شفتو

أبل ما تشوفك عينياااااا

شنو هذا !!؟!؟!؟
AS iS عاد قلنا

بس مو لي هالدرجه

بريعصي !؟!؟!؟!؟!؟!؟!؟!؟!؟!؟

الله يلوع جبودكم مثل ما لوعتوا جبدي !! لا ومفقوص تحت النايلون

والبلديه بس فالحين يفترون بالمطاعم

وناسيين هالوصاخه بمحلات الأثاث!؟

إنزين وين وزارة التجاره والصحه والدفاع؟!؟

وماني قايل الداخليه بعد لأن قصتهم قصه بقولها بعد شوي

ترى الناس بتنام على هالماتريس والله يعلم شكثر فيه جراثيم

اليوم بريعصي وباجر زهيوي

واللي عقبه أم 44 أو تمساح

Offerماشالله هذا شكله مع ال

هديت كل شي وقلت حق ولد عمي هد اللي شريته

وإمش لا أسويلكم فضيحه .. وما قدرت أسكت قبل ما أطلع

ناديت المدير مالهم ووريته الصور بالكاميرا عندي ومشيت عنه

عقب ما تحلطمت .. والأخ بدال ما يروح يشوف البضاعه قام يلحقني

Sir we will make it up to you !!

و مني إلى من يهمه الأمر

(2)

الشرطه

في أذية الشعب

..............................

حسافه على رياييل قبل صج كانوا هيبه

قصتي معاهم إني عقب ما رجعت البيت مع ولد عمي

ركبت سيارتي وكنت مشتهي فطير مشلتت من فطاطري القاهره بحولي

وبعد ما أخذت الطلب طلعت من ناحية بريد حولي لفيت فوق حدر

ووصلت يم المطافي عقب مستشفى دار الشفاء الجديد

جان يطلعلي رقيب مادري رقيب أول جنه سوبرمان

وقفني وقال: الإجازه والدفتر

عطيته وعطاني الجمله الشهيره: أسفط عاليمين

طبعا نفسه بخشمه وحتى عينه ما حطها بعيني وهو يكلمني

آنا وقفت وطنشته وقمت آكل قبل ما تبرد الفطيره

hahahahahahahaha

الصراحه أول شي إستانست من هالنشاط خصوصا بعد سالفة ذيب حولي

بس شفته طول علي ولطعني بالسياره، فنزلت له

وقلت: أخوي كل هذا تشوف إسمي بالكمبيوتر!؟

قال لي الرقيب الثاني: شنهي أقوالك؟!؟

رديت وآنا مبقق عيني: نعم؟!؟؟؟

قال: إنت داش من لفة المطافي

قلت له: شفيك إنت؟!؟

آنا ياي من اللفه اللي هناك وحتى الفطاير معاي عالكشن

قال: يعني أجذب رفيجي وأصدقك؟!؟

hehehehehehe

والله ضحكت بويهه

وقلت له: منو ضابطكم؟!؟

ما قال لي!! دقيت على واحد وسألته

طلع ضابطهم رفيجي

وكان عندي أكثر من مره في بيروت

إتصلت عليه وقلت له السالفه

قال لي: سامحني وآنا أشوف الموضوع الحين

قلت له: أوكي

ورجعت حق هالأثنين اللي ذكروني في أبوعنتر وغوار الطوشه

وقلت لهم: الحين شلون؟ قال لي: آنا كنت شايف وراك جيب

قلت له: يا سلام!! وكل واحد وراه جيب توقفه!؟

قال: أكيد ما كنت رابط الحزام

ضحكت وقلت له: بعد بتتبلى علي!؟ الظاهر إنت كتبت المخالفه

ومتوهق مو قادر تكنسلها!؟ قال: ترى كلها عشر دنانير

LOOOOOOOOOOL

طلع كلامي صح ودق عليه الضابط شخط فيه

وهذا يقول له: الصراحه آنا كنت شاك بثلاث جيبات

H3 اللي يضحك إني آنا كنت سايق

وماكو وراي أي جيب

صج كان فاصل فكاهي

............

ومن عقب سالفتي عزلوا التفتيش ومشوا كل اللي وقفوهم

hehehehehehehehe

لأن طلع عليهم أغلى من بيع السوق

وقبل لا يدق عليه الضابط قال لي: آنا بسوي حق سيارتك

فحص فني وأكيد راح ألقى مخالفه! قلت له: والله عيب

وإذا إنت غلطان إعترف بغلطك .. ترى السياره يديده

حتى طفاية الحريق تلقاها عند السايق!! إهني شكله

وايد إنحرج وقال: إنت لو قايل لي إن تعرف الضابط جان مشيتك

هاهاهاهاهاهاهاهاهاها

قلت له: عيل أشوه ما قلت لك

والله بدعوا .. الحبيب يتكلم وآنا أكمل باجي أكلي جدامه

قال: خلاص توكل على الله

ركبت سيارتي وقلت له: وإنت بعد

(3)

عقب ما رجعت البيت قعدت أشوف إيميلاتي

وحسيت بخنقه .. دقيت على رفيجي اللي ساكن قريب من بيتنا

وكانت الساعه 1:30 بالليل

سألته: وينك؟ .. قال: طالع بالقاري ورايح ممشى مشرف .. قلت له

إرجع مرني البيت وأطلع وياك

والله ما قصر رجع وسقنا القاري من سلوى للبدع

وعدينا البلاجات والأكواريوم وعقبها بشوي وصلنا صوب

Marina Waves

وكانت الساعه 2:45 الفجر

واللي شفناه عالبحر قريب من فندق المارينا

مو طبيعي

وما أعتقد في أحد منكم شافه من قبل

وتذكروا توقيت الصوره عدل

2:45 am

قعدنا آنا ورفيجي محمد نطالع الساعه

قلت له يمكن توقيتنا غلط

hehehehehehehehe

قعدنا عشر دقايق نسمع الصراخ واللويه بالماي وعاليال

ونضحك على اللي لابسين فنايل علاق داخليه

ويتمشون حفاي بالممشى واللي يبيعون الآيس كريم

هم قاعدين ما راحوا بيوتهم والله اللي شفناه حسسنا إنا كنا نحلم

...

تذكرت السنه اللي طافت لما رحت أسكتلندا

كل شي يسكر بعد الساعه 6 والناس يدورون الهدوء والراحه بالليل

...

وعلى طاري المارينا .. إخترعت إختصارات حلوه حق المسجات

M.M = Marina Mall

S.S = Soog Sharg

C.C = City Center

K.M = Khaima Mall

لوووووووووووووول .. شاكو؟!؟

. . . . . .

المهم رجعت البيت الساعه 3:30 أخذت شاور سريع

وكنت أدور الفراش .. والحمدلله لقيته

;p

Enjoy YOUR TIME All

. . . . . . . . . . . . . . . . . . . . . . .

هالسايت مني حق كل واحد يقرا الموضوع ويعلق عليه

http://www.procreo.jp/labo/flower_garden.swf

just Enter & press the mouse on the black screen

Coming No Matter What!

الياي أحلى من اللي راح

نفس عمييييييييييق

شهير وزفيق

وعلى فكره التنهيده أهم شي بالموضوع كله

ALWAYS KEEP GOiNG FORWARD

&

Use the mirror 2 look back

@

the past

from

Time 2 Time

.

بدون ما ترجع

.

.

والصوره فيها معاني وااااااااايده

.

الرؤيه الأساسيه أكبر من المنظره الصغيره اللي تعكس الماضي

الطريق رغم إنه مسوينه حارتين بس السياره اللي سايقينها

ماشيه بالنص لأنها ضامنه إن ماكو سياره راجعه

.

ONE WAY ONLY

.

.

.

.

المستقبل دايما مشرق

.

.

.

والماضي يظل بالذهن للإستفاده

من تجاربنا أو تجارب الآخرين

وعلينا دائما ملاحظة الطريق اللي سلكناه ليما

وصلنا للمكان اللي إحنا فيه

واللي راح نلقى اللي أحلى منه بعد

بالطريج اللي بيوصلنا حق اللي نطمح له

.

.

.

.

** إهداء مني لكل من يقرأ البوست **

والإهداء نفسه قابل للإهداء مره ثانيه وثالثه

.

.

حبيتو بيييييني وبين نفسي

وما قلتلوش عاللي فنفسي

ما أعرفش إيه بيحصل لي

لما بشوف عينييييييييييييه

****

ما بقيتش عارفه أقولوا إيه

ما أعرفش ليه خبيت عليه

بضعف أوي وأنا جنبو

وبسلم عليييييييييييييه

****

كل حب الدنيا ديه فقلبي ليييييييييييه

دنته أغلى الناس عليه وروحي فيه

دنته لو قدام عينيه أشتاق إليييييييه

****

على بااالي

ولانته داااااااااري باللي جرالي

والليالي سنين طويله سبتها لي

يا انشغالي بكله كلمه قلتها لي

الفكره

أي موضوع

أو إختراع

أو رسمه

أو بوست

أو غيره

لازم يبدي بمعلومه أو فكره

والأسئله المطروحه براسنا كثيره

ومنها

من وين تبلش الفكره؟
وشلون؟
وليش؟
ومتى؟
وين بنوصل؟
وشنو الهدف منها؟

مع وضع التوقيت والمكان باعتبارهم عاملين مهمين بشكل كبير

لما كنت في لبنان خلال دراستي للماجستير
كان عندنا مادة فن الكتابه مع بداية كل إسبوع ومدتها ساعتين ..
بيوم المحاضره

كان يوم الأثنين لأن إجازتهم السبت والأحد

دخل علينا دكتور الماده

وبعد ما عطانا محاضره بأول 10 دقايق بس
طلب من كل واحد فينا إنه يطلع

ورقه وقلم

ويرسم وحش من وحي

خياله الشخصي

وما يكون مار علينا أو شايفينه أو سامعين عنه من قبل

وطبعا طالما أكو كويتيين .. أو خليجيي على قولة اللبنانيين

معنى هالشي لازم
واحد من اللي قاعدين يمك يقول
hamdool
تكفه عندك قلم زايد؟؟!؟
وعقب ما تعطيه يقول
شقلي شقلي ورقه من دفترك !! وآخر شي تكتشف إنه

شاق نص دفترك
و معضض طرف القلم وسعابيله ليلحين موجوده
مايبيله شوح القلم من القاعه جنك تدري

ما أدري ليش عايشين هالناس؟!؟
__________________
المراد ما أطول عليكم

بعد أكثر من ساعه ونص من وقت المحاضره
الدكتور يمع الأوراق بعد ما سجلنا أسامينا عليها ومشى
وكلنا ضحكنا أول شي بس لأن قزرنا الوقت سوالف وغشمره

بعدها قعدنا نتحلطم لأنه ضيع وقتنا

جامعتنا بالكسليك بجونيه ولو نازلين نتغدى في بيروت وايد

أبرك

وأونس

وأشرح

وأفرح

وأمرح

وأربح

وعلى فكره بالنسبه للطلب المريب

واللي كنا متوقعينه حق يراد به باطل

بس حرام ظلمنا الريال

آنا حاولت أرسم أكثر من شي غريب
مره طلع وياي دولفين على شكل إنسان

حده طيب و كوووووووووول

HEYYYYYYYYYA

ومره كائن غريب متكون من طابوق جيري مصنوع بالمغرب
وشبابيك ألمنيوم ملونه وإضاءات وملحق و 7 حمامات

و13 غرفة نوم و4 صالات يطلون على حمام السباحه

اللي حطيت فيه الدولفين ومطبخ خارجي وداخلي

وحوش كبير و 3 سراديب

مادري شحقه كل هذا ..؟ بس اللي بقوله إني

شقيت أكثر من ورقه
وبالأخير آنا الوحيد اللي خليت ورقتي فاضيه

واحد لبناني رسم شجره على هيئة إنسان

و واحده من البنات وحش ويهه مقلوب
عينه الوحيده علت عالحاجب
وواحد رسم خطوط
وغيره رسم دوائر

واللي شخبط شخابيط

و إستأذن ومشى
يقول بقلبه خل أمشي بدال هالمسخره اللي قاعده تصير
hehehehehehehehe

طالب ثاني رسم شاذي أصلع

يشبه الدكتور لما كان صغير

لوووووووووووووووووووووووووول

ولما يانا موعد المحاضره مره ثانيه بالإسبوع اللي بعده
جود إحنا نسينا اللي صار آخر مره

بس الحبيب مو ناسي و داش علينا مبتسم
وقال لنا استعدوا لمناقشة اللي رسمتوه بالمحاضره الأخيره

---


بالبدايه أشاد فينا واااااايد وقال

خيالكم جدا مره واسع كتير وايد


وأنا مبسوط منكن شبيب و بنيت

وقام يتصفح الأوراق ويمدحنا بالإسم إلا آنا لأني هديت ورقتي فاضيه قال لي

رح إتفاهم معك شويي سغيري

وقلت: ولييييييييين صج مالي خلق هذا شيبي!!؟


عقبها ذكرنا إنه طلب منا إستخدام
خيالنا الشخصي
مو الأشياء اللي نشوفها جدامنا
كل يوم!! إلتفت على صاحب
الوحش أبو الدوائر (يابو الفعايل يا ولد) وقال له

كلنا بنعرف إنو الدواير موجودي

وعم نشوفها ونتطلع فيها بشكل يومي
وفيك تتطلع ع لمبيت النيون ياللي فوء راسك أو دواليب سيارتك
إزا كان عندك سيارا .. أو فيك تطلب تاكسي تتشوف دواليبو
لو كنت فاضي وحاب تتأكد من هالشي
.. أو تتطلع ع كرش مرتو لإم إبن خالة جاركن
أو شي براسي ما فيي قولو هلا
وفيه غيرا كتير أمسلي متل هي




.. والتفت على واحد ثاني وقال له
وكمان زيت الشي بالنسبي لا يللي رسم أو رسمت



خطوط

وعين وشجره وحيوانات
وحديد ومي وضو ونار

ومصريات -جمع مصاري- وحجر وغيرو


وكل شي موجود بالدني

إن كان شفناه أو سمعنا عنو
أو يعتبر من المكتسبات الموجودي

عند كل إنسين فينا
سواء إكتسب هايدا الشي

من المجتمع ياللي عايش بألبو
أو من خلال القراءه بالكتب والسآفي اللي بينهلها كل نهار
وهوي عم يتطلع بالتيفي أو يئرا ياللي إنتوا بتكتبوه هون أو حياالله شي

ويردف - شخباري إردفني للبقاله - الدكتور قائلا

إنشالله تكون وصلت يؤبرني جمالكن؟


طبعا موجه كلامه للبنات بس

والا إحنا مساكين محد يتغزل فينا

إلا إستاذه فيوزاتها فاصله كانت تدرسنا بمادتين
كنا نكرههم لأن وراهم بحثين يهدون الحيل ومناقشه تلوع الجبد

بطلع من السالفه دقيقه علشان أقول لكم شقالت لي أ.لينا

قاعده تكلم الطلبه كلهم وفجأه إلتفتت علي وسألتني

دخلك شو برجك؟

قلت لها العذرا

ردت علي بجملة صاعقه

وما بتفكر تغيرو؟؟!؟

هذي من صجها؟!؟

آنا لا إي .. ولا لأ

المفروض إهي اللي تستحي

بس هذا ربك وهذي حكمته

وطبعا الشماته وخصوصا الطلبه الكويتيين واللي بعضهم محترين الله لا يوريكم

وتموا يضحكون لي يومكم هذا

وكل ما يشوفوني يقولون

هاااااااااااا ؟؟ بشر ؟!؟

شتبون بالضبط؟!؟

والله حااااااااااله

ما أدري القاها منهم والا منها!؟

بالذمه خلكم مكاني .. هالأستاذه بالله شرد عليها؟!؟

أقول إن بعض الظن إثم؟
والا لو خربت خليت؟
والا يا دار ما دخلك شر؟
والا ما كانش العشا؟
والا قولي لابوكي .. آني قاصد بيتك هالليله؟!؟

hehehehehehehehehehehehehehehe

آنا ما قلت شي من هذا كله

بس قلت بقلبي الله كفيل بإنه ياخذ حقي من هالظالمه

الطاغيه المتوحشه اللي ما بقلبها غاريه أو رحمه

;p

المهم سوالف لبنان ما تخلص

ونرجع حق الموضوع الأساسي

وملخص أحلى محاضره

اللي بنهايتها تعلمنا إن أي عمل يبدأ

بفكرة واحدة

1 iDEA ONLY

تنضاف عليها عدة أفكار

نقوم إحنا بإعادة ترتيبها

وصياغتها

وبعدين نعيد تركيبها

علشان نوصل حق اللي إحنا نبيه

-والفكرة اللي نبدأ فيها -على سبيل المثال

عند تأليف أو إعداد أو إخراج أي موضوع أو عمل

مسرحي-تليفزيوني-إذاعي-سينمائي أو غيره

هي بالأساس موجوده عندنا، بيننا أو جدامنا

مع الإعتراف بتوارد الخواطر والأفكار في جزئيات بسيطه

لتشابه بعض المجتمعات أو الظروف المحيطه أو الإعتقادات عند بعض الأشخاص

بس بحدود معقوله وتدش العقل

لأن أكثر من هالشي يعتبر سرقه يعاقب عليها القانون

مع الأخذ بالإعتبار وجود شي إسمه .. حقوق الملكية الفكرية

ملاحظه: مشكورين وآسف إذا طولت عليكم
والموضوع قابل للمناقشه
واللي شايف عكس هالشي أكون واايد مستانس إني أسمع رايه أو رايها
مع إضافة الأمثلة وبعد ما تحاولون ترسمون الوحش المطلوب إذا قدرتوا أوكي

قصه واقعيه

**************************************

آنا و حبيبي .. و الذيب

ترافقنا

و

تحالفنا

ثلاثتنا

***

ما نخلي

للخوف

داعي

*

*

*

حبيبي

من

إيينا

الليييييل

* * *

أنومه

على

ذراعي

* * *

نغزني

قلبي

ذاك الميل

**

*

وطلب

مني

أكون واعي

خفت الذيب

يغدر فينا

* * *

وخوفي

هيج

أوجاعي

* * *

.

.

.

.

لقيت

الذيب

يحرسني

*******

ولا غمض

عينه عني

***

يبيني

بس

متهني

* * *

و حبيبي

قاطع ذراعي

!!!!!!!!!!!!!!!!!!!!!!!!!!!!

.

.

.

.

.

.

.

.

.

.

.

.

***h***a***m***d***o***o***l***

وعلى فكره

.

.

مو شرط يكون الموضوع عن

.

بنت أو ولد

.

بس أتوقع إن هالموقف صار مع أغلبنا

و أكثر من مرة ومع هذا ما نتوب

لأن صدقوني إحنا نظاف من الداخل وهذا أهم شي

ولو إن الموضوع يحز بالخاطر بس شنسوي

.

نكبر وننسى