الفكره

أي موضوع

أو إختراع

أو رسمه

أو بوست

أو غيره

لازم يبدي بمعلومه أو فكره

والأسئله المطروحه براسنا كثيره

ومنها

من وين تبلش الفكره؟
وشلون؟
وليش؟
ومتى؟
وين بنوصل؟
وشنو الهدف منها؟

مع وضع التوقيت والمكان باعتبارهم عاملين مهمين بشكل كبير

لما كنت في لبنان خلال دراستي للماجستير
كان عندنا مادة فن الكتابه مع بداية كل إسبوع ومدتها ساعتين ..
بيوم المحاضره

كان يوم الأثنين لأن إجازتهم السبت والأحد

دخل علينا دكتور الماده

وبعد ما عطانا محاضره بأول 10 دقايق بس
طلب من كل واحد فينا إنه يطلع

ورقه وقلم

ويرسم وحش من وحي

خياله الشخصي

وما يكون مار علينا أو شايفينه أو سامعين عنه من قبل

وطبعا طالما أكو كويتيين .. أو خليجيي على قولة اللبنانيين

معنى هالشي لازم
واحد من اللي قاعدين يمك يقول
hamdool
تكفه عندك قلم زايد؟؟!؟
وعقب ما تعطيه يقول
شقلي شقلي ورقه من دفترك !! وآخر شي تكتشف إنه

شاق نص دفترك
و معضض طرف القلم وسعابيله ليلحين موجوده
مايبيله شوح القلم من القاعه جنك تدري

ما أدري ليش عايشين هالناس؟!؟
__________________
المراد ما أطول عليكم

بعد أكثر من ساعه ونص من وقت المحاضره
الدكتور يمع الأوراق بعد ما سجلنا أسامينا عليها ومشى
وكلنا ضحكنا أول شي بس لأن قزرنا الوقت سوالف وغشمره

بعدها قعدنا نتحلطم لأنه ضيع وقتنا

جامعتنا بالكسليك بجونيه ولو نازلين نتغدى في بيروت وايد

أبرك

وأونس

وأشرح

وأفرح

وأمرح

وأربح

وعلى فكره بالنسبه للطلب المريب

واللي كنا متوقعينه حق يراد به باطل

بس حرام ظلمنا الريال

آنا حاولت أرسم أكثر من شي غريب
مره طلع وياي دولفين على شكل إنسان

حده طيب و كوووووووووول

HEYYYYYYYYYA

ومره كائن غريب متكون من طابوق جيري مصنوع بالمغرب
وشبابيك ألمنيوم ملونه وإضاءات وملحق و 7 حمامات

و13 غرفة نوم و4 صالات يطلون على حمام السباحه

اللي حطيت فيه الدولفين ومطبخ خارجي وداخلي

وحوش كبير و 3 سراديب

مادري شحقه كل هذا ..؟ بس اللي بقوله إني

شقيت أكثر من ورقه
وبالأخير آنا الوحيد اللي خليت ورقتي فاضيه

واحد لبناني رسم شجره على هيئة إنسان

و واحده من البنات وحش ويهه مقلوب
عينه الوحيده علت عالحاجب
وواحد رسم خطوط
وغيره رسم دوائر

واللي شخبط شخابيط

و إستأذن ومشى
يقول بقلبه خل أمشي بدال هالمسخره اللي قاعده تصير
hehehehehehehehe

طالب ثاني رسم شاذي أصلع

يشبه الدكتور لما كان صغير

لوووووووووووووووووووووووووول

ولما يانا موعد المحاضره مره ثانيه بالإسبوع اللي بعده
جود إحنا نسينا اللي صار آخر مره

بس الحبيب مو ناسي و داش علينا مبتسم
وقال لنا استعدوا لمناقشة اللي رسمتوه بالمحاضره الأخيره

---


بالبدايه أشاد فينا واااااايد وقال

خيالكم جدا مره واسع كتير وايد


وأنا مبسوط منكن شبيب و بنيت

وقام يتصفح الأوراق ويمدحنا بالإسم إلا آنا لأني هديت ورقتي فاضيه قال لي

رح إتفاهم معك شويي سغيري

وقلت: ولييييييييين صج مالي خلق هذا شيبي!!؟


عقبها ذكرنا إنه طلب منا إستخدام
خيالنا الشخصي
مو الأشياء اللي نشوفها جدامنا
كل يوم!! إلتفت على صاحب
الوحش أبو الدوائر (يابو الفعايل يا ولد) وقال له

كلنا بنعرف إنو الدواير موجودي

وعم نشوفها ونتطلع فيها بشكل يومي
وفيك تتطلع ع لمبيت النيون ياللي فوء راسك أو دواليب سيارتك
إزا كان عندك سيارا .. أو فيك تطلب تاكسي تتشوف دواليبو
لو كنت فاضي وحاب تتأكد من هالشي
.. أو تتطلع ع كرش مرتو لإم إبن خالة جاركن
أو شي براسي ما فيي قولو هلا
وفيه غيرا كتير أمسلي متل هي




.. والتفت على واحد ثاني وقال له
وكمان زيت الشي بالنسبي لا يللي رسم أو رسمت



خطوط

وعين وشجره وحيوانات
وحديد ومي وضو ونار

ومصريات -جمع مصاري- وحجر وغيرو


وكل شي موجود بالدني

إن كان شفناه أو سمعنا عنو
أو يعتبر من المكتسبات الموجودي

عند كل إنسين فينا
سواء إكتسب هايدا الشي

من المجتمع ياللي عايش بألبو
أو من خلال القراءه بالكتب والسآفي اللي بينهلها كل نهار
وهوي عم يتطلع بالتيفي أو يئرا ياللي إنتوا بتكتبوه هون أو حياالله شي

ويردف - شخباري إردفني للبقاله - الدكتور قائلا

إنشالله تكون وصلت يؤبرني جمالكن؟


طبعا موجه كلامه للبنات بس

والا إحنا مساكين محد يتغزل فينا

إلا إستاذه فيوزاتها فاصله كانت تدرسنا بمادتين
كنا نكرههم لأن وراهم بحثين يهدون الحيل ومناقشه تلوع الجبد

بطلع من السالفه دقيقه علشان أقول لكم شقالت لي أ.لينا

قاعده تكلم الطلبه كلهم وفجأه إلتفتت علي وسألتني

دخلك شو برجك؟

قلت لها العذرا

ردت علي بجملة صاعقه

وما بتفكر تغيرو؟؟!؟

هذي من صجها؟!؟

آنا لا إي .. ولا لأ

المفروض إهي اللي تستحي

بس هذا ربك وهذي حكمته

وطبعا الشماته وخصوصا الطلبه الكويتيين واللي بعضهم محترين الله لا يوريكم

وتموا يضحكون لي يومكم هذا

وكل ما يشوفوني يقولون

هاااااااااااا ؟؟ بشر ؟!؟

شتبون بالضبط؟!؟

والله حااااااااااله

ما أدري القاها منهم والا منها!؟

بالذمه خلكم مكاني .. هالأستاذه بالله شرد عليها؟!؟

أقول إن بعض الظن إثم؟
والا لو خربت خليت؟
والا يا دار ما دخلك شر؟
والا ما كانش العشا؟
والا قولي لابوكي .. آني قاصد بيتك هالليله؟!؟

hehehehehehehehehehehehehehehe

آنا ما قلت شي من هذا كله

بس قلت بقلبي الله كفيل بإنه ياخذ حقي من هالظالمه

الطاغيه المتوحشه اللي ما بقلبها غاريه أو رحمه

;p

المهم سوالف لبنان ما تخلص

ونرجع حق الموضوع الأساسي

وملخص أحلى محاضره

اللي بنهايتها تعلمنا إن أي عمل يبدأ

بفكرة واحدة

1 iDEA ONLY

تنضاف عليها عدة أفكار

نقوم إحنا بإعادة ترتيبها

وصياغتها

وبعدين نعيد تركيبها

علشان نوصل حق اللي إحنا نبيه

-والفكرة اللي نبدأ فيها -على سبيل المثال

عند تأليف أو إعداد أو إخراج أي موضوع أو عمل

مسرحي-تليفزيوني-إذاعي-سينمائي أو غيره

هي بالأساس موجوده عندنا، بيننا أو جدامنا

مع الإعتراف بتوارد الخواطر والأفكار في جزئيات بسيطه

لتشابه بعض المجتمعات أو الظروف المحيطه أو الإعتقادات عند بعض الأشخاص

بس بحدود معقوله وتدش العقل

لأن أكثر من هالشي يعتبر سرقه يعاقب عليها القانون

مع الأخذ بالإعتبار وجود شي إسمه .. حقوق الملكية الفكرية

ملاحظه: مشكورين وآسف إذا طولت عليكم
والموضوع قابل للمناقشه
واللي شايف عكس هالشي أكون واايد مستانس إني أسمع رايه أو رايها
مع إضافة الأمثلة وبعد ما تحاولون ترسمون الوحش المطلوب إذا قدرتوا أوكي

قصه واقعيه

**************************************

آنا و حبيبي .. و الذيب

ترافقنا

و

تحالفنا

ثلاثتنا

***

ما نخلي

للخوف

داعي

*

*

*

حبيبي

من

إيينا

الليييييل

* * *

أنومه

على

ذراعي

* * *

نغزني

قلبي

ذاك الميل

**

*

وطلب

مني

أكون واعي

خفت الذيب

يغدر فينا

* * *

وخوفي

هيج

أوجاعي

* * *

.

.

.

.

لقيت

الذيب

يحرسني

*******

ولا غمض

عينه عني

***

يبيني

بس

متهني

* * *

و حبيبي

قاطع ذراعي

!!!!!!!!!!!!!!!!!!!!!!!!!!!!

.

.

.

.

.

.

.

.

.

.

.

.

***h***a***m***d***o***o***l***

وعلى فكره

.

.

مو شرط يكون الموضوع عن

.

بنت أو ولد

.

بس أتوقع إن هالموقف صار مع أغلبنا

و أكثر من مرة ومع هذا ما نتوب

لأن صدقوني إحنا نظاف من الداخل وهذا أهم شي

ولو إن الموضوع يحز بالخاطر بس شنسوي

.

نكبر وننسى

My 1st TEST !

Hi All,
this is my first post ever
و الله يسامح اللي كان السبب
I still don't like the design or the colors i choooosed 4 my blog
بس هذا آنا قاعد أتعلم وإنشالله تشوفون شي غير بالمستقبل القريب .. ولما أكون فاضي شويه
راح أكتب مذكرات - قصص - نكت - فوازير - تعليقات
بالعربي أو الإنجليزي .. فرنسي إيطالي لبناني مصري
يعني توقعوا أي شي مني
آنا محتاج مشاركة الناس الأذكياء فقط
وعلشان أتأكد
سامحوني راح أبتدي بإختبار صعب علشان أعرف نوعية الناس اللي بتعامل معاها
Try 2 answer the question or solve the quiz
in less than 3 minutes


Are you ready!?

The Question is:

.

.

.

.

.

ما هو نوع العمل أو النشاط

الذي يمارسه صاحب هذا التكان

اللي موجود بالصوره اللي فوق؟!؟!؟
.

.

.

أدري الكل بيقول مو قبول لأن المحل مسكر

وإذا كنت كويتي أو كويتيه

أكيد بتسألوني عن الخيارات

تستاهلون دام إنها أول زياره

.

.

.

.

.

.

.

.

01/ نجار

02/ مصمم برامج بواسطة الحاسوووب الآلي

03/ صيدلاني

04/ خباز

05/ حداد

06/ إطفائي

07/ بائع خمور محليه

08/ لقاح نخل

09/ فلكي

10/ مساج

.

.

.

.

.

.

هاااااااااااااااااااااااااااااااااااااااا

.

.

في شارع الجهرا صادفوني .. ثلاثه رايحين الصالحيه

عرفتوا الإجاااااابه؟

لي ثلاث أيام مروا في حياتي غير

تبون أعيدها لكم ثلاث مراااااااااااااااااااات؟!؟

إنتي طالئ بالتلات

تبون تشووفوووني يوم الثلاثااااااااااااااااااااااااااااااااء؟!؟

الثلاثه رجعتلي تاني .. حب ألبي من جدييييد

أحنا الثلاثه .. قصتنا قصه مشربكه .. قصتنا قصه مشربكه

.

.

.

تبون الصج ما تنعطون ويه

ولو سمحتوا لحد يغش من اللي يعرفه

.

واللي يعرف الإجابة الصح والله حرام يدفن نفسه إهني

وخل يراسل جامعة هارفورد أو الكويت قبل لا يسكرون باب التسجيل

.

.

.

Send ur answer & have a nice day ;)

.

.

P.S: هالصوره صورتها بكاميرتي الحلوه وآنا بطريجي لفارايا

وبعد ما شريت عصير برتقال من راعي المحل!!..